جبار وهابی فر
- نام و نام خانوادگی : جبار وهابی
- نام مستعار:صادق سنه
- محل تولد :سنندج
- تاریخ تولد : 1343
- تاریخ جانباختن :1362.08.03
- محل و نحوه جانباختن: آلان (سردشت) . مقابله با تهاجم وسیع رژیم
زندگی نامه رفیق جبار وهابی فر
هاوڕێ جەباری وەهابی‌فەڕلە نێو بنەماڵەیەکی زەحمەتکێشی شاری سنە لە دایک بوو.
دەورانی خوێندنی سەرەتایی لە شاری سنە بە ئەنجام گەیاند و لە تەمەنی تازەلاویەوە لە بەر باری گوزەرانی بنەماڵەکەی دەستی دایە کار کردن و بەم شیوەیە لە گەڵ دنیای ڕەنج و چەوسانەوە ئاشنا بوو.
لە نێو هاوماڵان و هاوڕێ‌یانی دەورانی تازە لاویەوە گەنجێکی وریا و زیرەک بوو کە لە خۆشەویستی و جێگایەکی تایبەت لە لای ئەوان بەهرەمەند بوو.
ژیانی کرێکاری وردە وردە بوو بە هەوێنی ووشیاریەکی چینایەتی و ڕێگای ئەوی بەرەو خەباتی سیاسی سەردەمی خۆی کردەوە.
هاوڕێ جەبار لە شۆڕشی ١٣٥٧ی ئێران دا هەڵسووڕاوانە بەشداری کرد و دوای هاتنە سەرکاری ڕژیمی کۆماری ئیسلامی قۆڵی هیمەتی بۆ درێژەدان بە خەبات لە دژی ئەو ڕژیمی هەڵماڵی هەر لەم دەورانەدا پەیوەندی بە کۆمەڵەوە گرت و بەشێک لەو پارەیە کە بە کارو ڕەنج بە دەستی دەهێنا تەرخانی دەکرد بۆ یارمەتی دان بە کۆمەڵە و لە ڕێگای جۆراوجۆرەوە دەیگەیاندە دەستی تەشکیلات.
بەهاری ساڵی ٦٢ بە ڕیزی پێشمەرگەکانی کۆمەڵەوە پەیوەست بوو و چەکی پارێزگاری لە ماف و بەرژەوەندیەکانی بەشمەینەتان و چەوساوەکانی بەدەستەوە گرت .
لە مەیدانی تێکۆشان و خەباتی چەکدارانەی کۆمەڵانی زەحمەتکێش لە کوردستان و لە ڕیزی تەشکیلاتی کۆمەڵەدا بە جەسارەت و ورەیەکی شۆڕشگێڕانەوە ئامادە بوو و لە چەندین شەڕی قارەمانانە لە گەڵ دوژمن‌دا فیداکاری لە خۆی نواند.
ڕۆژی ٢٦ی ڕزبەری ١٣٦٢ لە جەریانی ڕووبەڕووبوونەوەی واحیدێک لە پێشمەرگەکانی کۆمەڵە لە گەڵ هێزەکانی ڕژیم کە لە ناوچەی ئالانەی سەردەشت و لە گوندی گروێس ڕووی دا پاش شەڕێكی قارەمانانە هاوڕێ جەباری وەهابیفەڕ پێشمەرگەی فیداکاری کۆمەڵە گیانی لە پێناو ئازادی و سوسیالیزم دا بەخت دەکات ودرێژەدان بە ڕێگای پیرۆزی بە هاوڕێ‌یانی دەسپێرێت.
یادی ئازیزی بۆ هەتاهەتایە لە دڵماندا زیندووە.
.
