عباس اکبر آبادی

لە دوای ڕاپەڕینی گەلانی ئێران لە ڕێبەندانی ساڵی ٥٧ی هەتاوی و بە ئاشکرا بوونی هەڵسووڕان و چالاکیەکانی کۆمەڵە لە کوردستان وەک هەزاران ئینسانی زەحمەتکێشی تینووی ژیانێکی ئاسوودە و بە دوور لە چەوسانەوە بوون سەرەنجی بەرەو لای سیاسەت و ڕیبازی کۆمەڵە ڕاکێشرا و بوو بە هەڵسووڕاوێکی چالاکی ڕیزەکانی کۆمەڵە، دواجار لە پائیزی ساڵی ٦٠ چەکی پارێزگاری لە ماف و بەرژەوەندیەکانی کرێکاران و چەوساوەکانی بە دەستەوە گرت و بوو بە پێشمەرگەی ڕێگای گەییشتن بە ئازادی و سۆسیالیزم.
هیوا بە دوا ڕۆژی تێکۆشانی ڕەوای کرێکاران و زەحەمتکێشان و ورەی بەرز و جەسارەتی شۆڕشگێڕانە لەو تایبەتمەندیانە بوو کە لە ڕیزی هاوڕێیانی پێشمەرگە دا ئەم خۆشەویستەی پێ دەناسرێتەوە هەروەها لە گەڵ زەحمەتکێشانی ناوچەی هەڵسووڕانی پەیوەندیەکی سەمیمانە و هاوڕێیانەی هەبوو کە هەموویان لە ناخی دڵەوە خۆشیان دەویست.
لە جەریانی ڕووبەڕووبوونەوی هاوڕێیانمان لە گەڵ هێرش و دەست درێژی هێزە سەرکوتگەرەکانی ڕژیمی ئیسلامی لە ناوچەی دیواندەرە بە هۆی وریایی و شارەزاییەک کە لە ناوچەکە هەیبوو لە کاتی داڕشتنی تەرحە نیزامیەکان و لە کاتی بەڕێوە بردنیان دەورو نەقشێكی کاریگەر و بەرچاوی هەبوو.
لە جەریانی بەڕێوە بردنی مەئموریەتە تەشکیلاتیەکان بە ورەیەکی بەرزەوە پێشڕەو و ئامادە بوو تا ڕێگای سەرکەوتنی هاوڕێیانی ئاسان بکات.
ڕێکەوتی ٢٢ی خەزەڵوەری ١٣٦٢ لە کاتێک دا کە کۆمەڵێک لە هاوڕێیانمان لە لایەن هێزەکانی ڕژیمی ئیسلامیەوە گەمارۆ ئەدرێن هاوڕێیانمنان ڵێیان دێنە دەست و بە حەماسەیەکی دیکە لە شەهامەت و قارەمانیەتی هێزی پێشمەرگەی کۆمەڵە تۆمار دەکەن.
بە داخەوە هاوڕێ عەباسی ئەکبەر ئابادی لە جەریانی ئەم شەڕەدا گیانی لە ڕێگای ئازادی و سۆسیالیزم دا فیدا دەکات و درێژەی ڕێگای پڕ لە شانازی بە هاوڕێیانی دەسپێرێت.
یادی بەرزو بەڕێز ڕادەگرین.

.