جبار دادایی نژاد

هاوڕێ جەبار ساڵی ١٣٣٧ ی هەتاوی لە بنەماڵەیەکی کرێکارلە شاری سنە لە دایک بوو، لەو شارە دەستی دایە خوێندن و تا دەورەی دیپلۆم درێژەی بە خوێندن دا، هەر لە ساڵی ١٣٥٧وە هاوکات لە گەڵ ئاخێز و ڕاپەڕێنی گەلانی ئێران دژ بە ڕژیمی شا پێی نایە مەیدانی خەباتی سیاسی و لە ڕیزی پێشەوەی خەڵکی ڕاپەڕیو لە خۆپیشاندانەکان و ناڕەزایەتییەکان دا بەشداری کرد، لەو سەردەمەدا لە گەڵ کۆمەلە و لە مەیدانێکی بەربڵاوتری سیاسی درێژەی بە چالاکی خۆی دا.
هاوڕێ جەبارهاوشان لە گەڵ کۆمەڵە وخەڵکی شاری سنە لەشەڕێ ٢٤ ڕۆژەی ئەو شارەدا و لە موقاوەمەتی بەرینی خەڵک دا بەشداری کرد.
پاش دەست پێکردنی هێرشی ڕژیمی کۆماری ئیسلامی بۆ سەر کوردستان لە ٢٨ی گەلاوێژی ساڵی ١٣٥٨ی هەتاوی دا هاتە ڕیزی پێشمەرگەی کۆمەڵە و خەباتی سیاسی خۆی لە بوارێکی نوێ دا درێژە پێدا سەرئەنجام هاوڕێ جەبار ساڵی ١٣٥٩ لە لایەن ڕژیمەوە گیرا و پاش ١٣ ڕۆژ خۆڕاگری لەژێر ئەشکەنجەکانی ڕەژیمدا ڕۆژی ١٢ی جۆزەردانی ئەو ساڵە لە پادگانی سنە ئێعدام کرا.
بەرزوبەڕێزبێت یادی ئازیزی هاوڕێ جەباری دادایی نژاد و ڕێگای پڕ ڕێبوار.

.